ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը վստահեցնում է՝ Նիկոլ Փաշինյանը ՀՀ ընտրված վարչապետ է։

«Նիկոլ Փաշինյանին ու կառավարող ուժին ընտրել է Հայաստանի ժողովուրդը, առաջիկա խորհրդարանական հերթական ընտրությունների ժամանակ Հայաստանի ժողովուրդն իր գնահատականը կտա բոլոր քաղաքական ուժերին, այդ թվում՝ նաև մեզ»,- ԱԺ ճեպազրույցների ժամին ասաց նա։

Կոնջորյանի խոսքով՝ ՔՊ-ն խոստացել է, որ Հայաստանում հաստատելու է արդարադատություն։

«Այդ ճանապարհը, որքան էլ որ դժվար, բայց, մեր համոզմամբ, հնարավոր է ու հասանելի, մենք ամեն ինչ պետք է անենք այդ ճանապարհին հաջողության հասնելու համար»,- ասաց նա։