10 օր և ավել եկեղեցում որևէ արարողություն չանել և լինել կանանց մենաստանում. Տեր Արամը՝ իր կրած պատժի մասին
Ես որպես ճնշված անհատ մեկը չեմ, որ եկել հասել եմ այստեղ, այն գործողությունները, որոնք իրենք կատարում էին որպես բարձրաստիճան եկեղեցականներ, առաջին հերթին ազդել և վնասել է մեր համայնքին, Տեր Արամին եկեղեցուց հեռացնելը հենց վնաս էր համայնքին:
Այս մասին Հանրային ՀԸ եթերում ասել է Հովհաննավանքի հոգևոր հովիվ Տեր Արամ քահանա Ասատրյանը :
«Երբ որ կաթողիկոսի հրահանգից հետո ես վերադարձել եմ, պատիժը դարձյալ եղել է հետևյալ. 10 օր և ավել եկեղեցում որևէ արարողություն չանել և լինել կանանց մենաստանում: Դա էլ այն դեպքում, երբ որ մենք մեր թեմում ունենք տղամարդկանց մենաստան և ավելի լավ կլիներ, եթե անգամ Տեր Արամը խոնարհություն չուներ, գնար և այդ ամենը նրան ուսուցանեին կամ սովորեցնեին տղանարդկանց մենաստանում:
Բայց նախընտրեցին, որ պետք է գնամ կանանց մենաստան: Սա գուցե իրենց համար պատիժ է, բայց ինձ համար օրհնություն դարձավ, որովհետև այնտեղ ևս բավական աղոթական կյանք ունեցա»,- պատմել է քահանան:
