«Դեռ 2016 թ․ տեղեկություն եղավ, որ Հայաստանում ներդրվում է էլեկտրաէներգիայի սպառումը հաշվառող ավտոմատացված համակարգ: Եվ որ «Հայաստանի էլեկտրական ցանցեր» ընկերությունը հիմնում է բաշխիչ ցանցերում էլեկրաէներգիայի ավտոմատացված հաշվառման համար բարձրակարգ էլեկտրատեխնիկական սարքավորումների արտադրություն: Նոր հաշվիչ սարքերը հնարավորություն կտան ստեղծել էլեկտրաէներգիայի սպառման հաշվառման ավտոմատացված համակարգ:

Տարիներ անցան, եւ այս մասին նույնիսկ չէի էլ հիշի, եթե որոշ ժամանակ առաջ Ավան վարչական շրջանում մեր հաշվիչ սարքերը չփոխեին:

Ի վերջո, ինչի մասին է խոսքը, ինչ են ենթադրում այս նոր սարքերը:

Պարզվում է՝  նոր սերնդի սարքերն ավելի ճշգրիտ են աշխատում, իսկ էլէներգիա գողանալ հնարավոր չէ: Իսկ եթե բաժանորդը կասկած կունենա, հաշվիչը ստուգելու պարզ միջոց կա. տանը հոսանքին միացված սարքերը կարող է անջատել եւ նայել՝ եթե  հաշվիչի կարմիր լույսը չի թարթում, կանգնած է, ուրեմն գողություն չկա: Իսկ եթե սարքերն անջատված են, բայց կարմիր լույսն այդ պահին թարթում է, ուրեմն հաշվիչին ինչ-որ բան կա միացված: Բայց վստահեցնում են՝ գողության դեպքերը կբացառվեն, որովհետեւ բնակչի կամ տեսուչի ցանկացած միջամտություն արձանագրվում է այս հաշվիչների հատուկ հիշողության սարքում»:

Արմենուհի Մելքոնյան 

 Նյութն ամբողջությամբ կարդացեք  «Հայաստանի Հանրապետություն» օրաթերթայսօրվա համարում։