Հոկտեմբերի 4-ին, ժամը 19:04-ին Ճգնաժամային կառավարման ազգային կենտրոն ահազանգ է ստացվել, որ Երևանի «Շենգավիթ» ԲԿ-ում հրդեհ է բռնկվել։ Այս մասին հայտնում են ՀՀ ԱԻ նախարարության լրատվական ծառայությունից։

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, հրդեհաշիջման և փրկարարական աշխատանքների կազմակերպման բաժնի օպերատիվ խումբը, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և հոգեբանական աջակցության բաժնի հերթապահ հոգեբանը։

Պարզվել է, որ հրդեհ է բռնկվել «Շենգավիթ» ԲԿ-ի նկուղային հարկում՝ 21 քմ։ Այրվում են կենցաղային իրեր և աղբ։

Հրդեհը մեկուսացվել է ժամը 19։30-ին։ Ըստ նախնական տվյալների՝ տուժածներ չկան։