Հոկտեմբերի 4-ին` ժամը 19:04-ին, Ճգնաժամային կառավարման ազգային կենտրոն ահազանգ է ստացվել, որ Երևանի «Շենգավիթ» ԲԿ-ում հրդեհ է բռնկվել։ Այս մասին տեղեկացրին ՀՀ ԱԻՆ-ից։

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, հրդեհաշիջման և փրկարարական աշխատանքների կազմակերպման բաժնի օպերատիվ խումբը, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և հոգեբանական աջակցության բաժնի հերթապահ հոգեբանը։

Պարզվել է, որ հրդեհ է բռնկվել «Շենգավիթ» ԲԿ-ի հին մասնաշենքի նկուղային հարկում (21 քմ)։ Այրվում են կենցաղային իրեր և աղբ։

Հրդեհը մեկուսացվել է ժամը 19։33-ին, մարվել՝ 19։41-ին։ Այրվել է չշահագործվող բուժտեխնիկա, ջերմահարվել՝ 15 քմ կախովի առաստաղ։

Հրշեջ-փրկարարները տարհանել են 21 քաղաքացու։