Էկոնոմիկայի նախարար Տիգրան Խաչատրյանը հնարավոր է համարում այն, որ Թուրքիայից ապրանք ներկրողները մնացած շուկաներն ուսումնասիրելիս հետաքրքիր անակնկալներ բացահայտեն իրենց համար։ 
«Այսինքն՝ հնարավոր է պարզեն, որ նույն բիզնեսով կարող են զբաղվել՝ ներկրելով այլ շուկաներից և ունենալ ավելի բարձր շահույթ, որոնք մինչ այժմ նրանք չէին դիտարկել»,- լրագրողների հետ ճեպազրույցում պարզաբանեց նախարարը։
Խաչատրյանը վստահեցրեց, որ գնաճ չի լինի։
Հարցին, թե որտեղից կներկրվեն ցիտրուսային մրգերը, նախարարը պատասխանեց․
«Կբերվեն Իրանից, Հունաստանից, Եգիպտոսից, Թունիսից․․․ Ամբողջ աշխարհը միայն Թուրքիայից չի ներկրում ցիտրուս»։