«Նաֆտոգազ Ուկրաինա» ընկերությունը ձեռք է բերել «Նադրա Յուզովսկայա» ՍՊԸ-ի բաժնետոմսերի վերահսկիչ փաթեթը. վերջինիս պատկանում են Դոնբասի չճանաչված հանրապետության հետ սահմանին գտնվող գազի պաշարների Յուզովսկայայի տարածքի շահագործման իրավունքները, հայտնում է eadaily.com գործակալությունը:

Ավելի վաղ ազգային ընկերությունը բողոքել էր, որ առկա պաշարները սպառվում են 80%-ով, և որ ներքին արտադրությունը կարող է պահպանվել միայն Սև ծովի կամ Ուկրաինայի Արևելքի ռեսուրսների հաշվին: Փորձագետները նշում են, որ «Նաֆտոգազ Ուկրաինա»-ն արդեն ձախողել է մեկ պետական ծրագիր, ինչի հետևանքով երկիրը կշարունակի կախվածություն ունենալ ներմուծվող գազից:

Աղբյուրը մանրամասնում է, որ «Նաֆտոգազ Ուկրաինա» ընկերությունը ձեռք է բերել «Նադրա Յուզովսկայա» ՍՊԸ-ի բաժնետոմսերի ավելի քան 50 տոկոսը: Այս ընկերությունը, կառավարության հետ արտադրության բաժանման համաձայնագրով, իրավունք ունի ուսումնասիրելու և զարգացնելու Յուզովսկայա տարածքը, որտեղ վառելիքի հավանական պաշարները գնահատվում են 3 տրիլիոն խորանարդ մետր: Սցենարը ենթադրում է, որ տարեկան արտադրությունը կարող է կազմել 10 միլիարդ խորանարդ մետր, որը կազմում է երկրում ընթացիկ գազի արդյունահանման կեսը: Լավատեսական սցենարը խոստանում է տարեկան 20 միլիարդ խորանարդ մետր գազի արտահանում:

Տարածքըը պետք է ուսումնասիրվեր դեռևս 2013-ին, երբ բրիտանա-հոլանդական «Շելլ» ընկերությունը հաղթել էր հայտարարված մրցույթում, սակայն ավելի ուշ Դոնբասում սկսված պատերազմի հետևանքովեվրոպական էներգետիկ հսկան դուրս է եկել նախագծից:

Ուկրաինայի հակամենաշնորհային կոմիտեն (AMCU) այժմ ուսումնասիրում է «Նադրա Յուզովսկայա» ՍՊԸ-ի բաժնետոմսերի վերահսկիչ փաթեթը ձեռք բերելու գործարքը: Նախարարությունից հայտնել են, որ «Նաֆտոգազ Ուկրաինա»-ն կարող է մենաշնորհ ձեռք բերել գազի շուկայում, ինչն արդեն իսկ այդպես է:

«Կենտրոնացման արդյունքում «Նաֆտոգազ Ուկրաինա»-ն հնարավորություն ունի ուժեղացնել իր շուկայական հզորությունը` ավելացնելով սեփական նավթի և գազի արդյունահանումը, ինչը կարող է հանգեցնել գազի և նավթի շուկաներում մրցակցության էական սահմանափակման»,- ասված է Ուկրաինայի հակամենաշնորհային կոմիտեի հայտարարության մեջ:

Ավելի քան մեկ ամիս առաջ «Նաֆտոգազ Ուկրաինա»-ի խորհրդի նախագահ Անդրեյ Կոբոլևը «Ինտերֆաքս-Ուկրաինա»-ին հայտնել է, որ ընկերությունը պատրաստ է սկսել հորատումները Յուզովսկայա տարածքում` բոլոր փաստաթղթերի ստորագրումից վեց ամիս անց:

«Նաֆտոգազ Ուկրաինա»-ի բնական պաշարների հետախուզման և արդյունահանման բաժնի փորձագիտական խորհուրդը կառավարությանը տեղեկացրել է այն մասին, որ անհրաժեշտ է ընկերությանը հնարավորություն ընձեռել մուտք գործելու հեռանկարային նավթագազային տարածքներ ՝ ներառյալ Սև ծովի ավազանը և Յուզովսկայա տարածքը:

Այսօր ուկրաինական ընկերություններն արտադրում են շուրջ 20 միլիարդ խորանարդ մետր գազ և ապահովում են Ուկրաինայի ներքին սպառման գազի երկու երրորդը: Հիմնական արտադրողը «Ուկրգազդաբիչա» ընկերությունն է: Այն տարեկան արտադրում է մոտ 15 միլիարդ խորանարդ մետր, և վերահսկվում է «Նաֆտոգազ Ուկրաինա»-ի կողմից: Դեռևս այս տարվա հունվարին ընկերությունը հաղորդել էր, որ Ուկրաինայի գազի պաշարների հինգ խոշորագույն տարածքները սպառվել են ավելի քան 80 տոկոսով:

«Սևծովյան ավազանը և Յուզովսկայա տարածքը, որտեղ գտնվում են գազի ոչ ավանդական պաշարները, պահանջում են այնպիսի տեխնոլոգիաներ, սարքավորումներ և հսկայական միջոցներ, որոնք «Նաֆտոգազ Ուկրաինա»-ն չունի»,- ասել է Ուկրաինայի Էներգետիկ ռազմավարությունների ֆոնդի համանախագահ Դմիտրի Մարունիչը: Փորձագետը նշում է, որ ընկերությունն արդեն ձախողել է 2020 թվականի պետական ծրագիրը, ըստ որի՝ «Ուկրգազդաբիչան» 2019 թվականի ընթացքում պետք է արտադրեր 18.2 միլիարդ խորանարդ մետր, բայց իրականում իրացվող գազի արտադրությունն ընկավ 13,8 միլիարդի:

«Եվ այս ծրագիրը նախատեսում էր աշխատանքային շատ ավելի հարմարավետ պայմաններ»,- ասել է փորձագետը՝ հավելելով, որ երկրի կախվածությունը ներմուծվող գազից կարող է մեծանալ, բայց ամեն ինչ կախված է երկրի ներսում գազի սպառման մակարդակից: