Կենտրոնական բանկը պարզաբանել է, թե ինչից այս տարի կախված կլինեն անշարժ գույքի գները Հայաստանում
Գույքի գներն այս տարի ավելի շատ կախված կլինեն շուկայում պահանջարկից եւ առաջարկից, քան փոխարժեքից: Այս մասին փետրվարի 2-ին լրագրողների հետ հանդիպմանն ասաց ՀՀ Կենտրոնական բանկի մակրոտնտեսական վարչության տնօրեն Արմեն Նուրբեկյանը: «Կենտրոնական բանկը հիպոթեկային վարկի շուկայում մեծ ռիսկեր չի տեսնում»,- հավելեց նա:
Կենտրոնական բանկի նախագահ Մարտին Գալստյանն, այնուամենայնիվ, չափազանց լավատեսական համարեց այն գնահատականները, որ տնտեսական անկման պայմաններում հիպոթեկային ոլորտում եկամուտները կաճեն նույն տեմպերով, ինչ որ նախկինում:
