Brent հյուսիսծովյան նավթային խառնուրդի արժեքն ընթացիկ տարվա հունվարի 21-ից առաջին անգամ մեկ բարելի դիմաց գերազանցել է 65 դոլարը։ Այս մասին են վկայում լոնդոնյան ICE բորսայի տվյալները։

Նավթի այդ տեսակի ապրիլյան ֆյուչերսների գինը 3 տոկոսի աճ է գրանցել՝ հասնելով 65․31 դոլարի։

3․3 տոկոսի աճ էլ գրանցել է WTI ամերիկյան թեթև նավթի մարտյան ֆյուչերսների գինը՝ հասնելով 62․07 դոլարի։

Երեկ Wall Street-ի երկու խոշորագույն բանկեր կանխատեսել էին նավթի գների աճ մինչև 100 դոլար։ Վերլուծաբանների կարծիքով՝ նավթի գների աճը պայմանավորված է պահանջարկի ու առաջարկի միջև ճեղքվածքով։