Տեսանյութ է հրապարակել Նորիլսկի լեռնահարստացման գործարանում տեղի ունեցած փլուզումից: Կադրերը ցույց են տալիս շենքի փլատակների շուրջ որոնողափրկարարական գործողությունները: Պատգարակով զոհերին տեղափոխում են շտապօգնության մեքենա: Դեպքը, որի մասին հայտնել էինք քիչ առաջ, տեղի է ունեցել գիշերը: Փլուզման մակերեսը կազմել է մոտ 1000 քմ։

Երկու աշխատակից ինքնուրույն դուրս է եկել փլատակների տակից, չորսին դուրս են բերել փրկարարները, ևս երկու հոգու որոնումները շարունակվում են:  Փլատակներից դուրս բերվածներից մեկն ավելի ուշ մահացել է:

Նախնական վարկածի համաձայն՝ փլուզումը տեղի է ունեցել կոնստրուկցիաների ամրացնան աշխատանքների ժամանակ, քանի որ նախկինում շենքում թերություններ էին ի հայտ բերվել։ Մարզի քննչական կոմիտեն քրեական գործ է հարուցել անվտանգության կանոնների խախտման դեպքի առիթով, որն առաջացրել է 2 կամ ավելի մարդու մահ: